Café e queixo, unha parella ideal

Por - 18.4.20


Nestes días tamén hai espazo para as boas novas. Queixo e café? Si, queixo e café son o matrimonio perfecto. E por iso xa podes atopar en Queixo e aparte o café recén torrado por Gonzalo no Club del Café de Pontevedra.
 
Logo de darlle unhas cantas voltas a esta idea xunto con Gonzalo, presentamos a selección especial de tres cafés de orixe para Queixo e aparte. Son un Kenia, un Etiopía e un Colombia e aquí todo ten un por que, toma nota.

Para os nosos queixos de sabores máis suaves optamos por un Kenia da rexión de Niyeri, variedade Arábica SL28. Aporta sensacións a froita madura, froitos amarelos e bastante acidez. Un café complexo en boca para contrastar con queixos brandos.

Para os queixos máis curados optamos por un Etiopía da rexión de Sidamo, variedade Arábica heirloom. Aporta sensacións a chocolate e froitos vermellos, con boa acided pero ao mesmo tempo con moita dozura.

E, por último, para os azuis, eliximos o máis doce de todos: un Colombia da rexión de Huila, variedade Arábica typica. Apórtanos sensacións que lembran á vainilla, manteiga e caramelo. Tamén ten notas a froita madura. Ten pouca acidez e moita dozura.

De contrasteis vai a cousa. Lembra que xa podes facer o teu pedido para recollelo na queixería recén tostadiño. E se queres algún outro café non tes nada máis que consultarnos.

Os suecos, a isto de casar café e queixo chámanlle Kaffeost. Non inventamos nada, combinar o café e o queixo é unha tradición dalgúns países europeos que máis nos gusta e agora achegámocha da man da persoa que máis sabe de café na vila! Bo café e bo queixo para, máis que nunca, gozar dun bo momento na casa.

Tamén che pode gustar