Un queixo para cada viño

Por - 8.12.19


Maridar queixo e viño é un clásico da gastronomía mais é preciso buscar a combinación axeitada para lograr potenciar as calidades organolépticas dos dous produtos e gozar deles en toda a súa plenitude. ¿Viño tinto, branco ou rosado? ¿Viño novo, crianza ou reserva? As opcións son moitas e hoxe compartimos algunhas ideas para acadar a maridaxe perfecta.

Un queixo para cada viño

O primeiro que hai que ter en conta é que un queixo moi forte pode enmascarar o sabor do viño, e o mesmo acontece ao revés. É por iso que sempre debemos elixir un queixo cunha intensidade menor ou igual á do viño e para isto teremos que ter en conta se o queixo é de vaca, cabra ou ovella e, ademáis, cal é o seu grao de maduración xa que podemos estar ante un queixo fresco, semicurado, curado ou vello.

Non existen fórmulas máxicas e, de feito, o mellor e improvisar e probar tratando de buscar o equilibrio entre as intensidades de cada produto e tendo en conta que canto maior sea o grao de curación do queixo, maior grao de crianza do viño admitirá, tanto no caso dos brancos coma nos tintos.

Por exemplo, os queixos de pastas brandas, funcionarán moi ben con viños con agulla e escumosos xa que potenciarán as sensacións en boca e, ademáis, axudarán a limpar o exceso de graxa coa súa acidez. Así, un queixo coma o Arzúa Ulloa, irá moi ben con viños novos coma un Albariño DO Rías Baixas mentres que para un Cebreiro, pola súa acidez, optariamos por un viño con crianza sobre lías e, finalmente, para o San Simón da Costa, por un viño con crianza en barrica para potenciar os sabores a froita, tostados e amadeirados.

Aquí van unhas cantas propostas coas que sempre acertar:

· Queixos frescos: son de textura branda, cun sabor láctico e cunha marcada acidez. Podemos acompañalos de produtos salgados coma unhas boas anchoas ou con produtos doces coma unha marmelada. No caso de optar pola opción doce, elixiremos un viño tamén doce e aromático mentres que se apostamos por froitos secos ou sal, apostaremos por un viño branco lixeiros e secos.

· Queixos de cabra e ovella: canto maior sexa o seu grao de maduración, maior será a súa intensidade e tamén máis salgado. Neste caso optaremos por viños brancos secos ou semi-secos e afroitados ou ben tintos lixeiros con poucos taninos. Os curados de ovella maridarán á perfección con tintos de crianza.

· Queixos de pasta branda e corteza enmohecida: teñen unha textura cremosa coma o Brie ou o Camembert. Funcionarán moi ben con viños escumosos xa que permiten limpar a textura cremosa e contrastar co sabor a nata.

· Queixos de pasta branda e corteza lavada: funcionan moi ben con viños brancos e moi aromáticos aínda que unha moi boa opción serán os viños tintos novos, afroitados e lixeiros.

· Queixos azuis: pola súa pasta graxa e tenra, funcionan moi ben con viños doces tanto brancos coma tintos para potenciar os seus sabores fortes e salgados.

· Queixos de pasta presada non cocida: teñen un sabor suave e una pasta flexible pero densa ao mesmo tempo polo que neste caso optaremos por viños de corpo envolvente, delicado, de aromas profundos e complexos.

· Queixos de pasta prensada cocida: neste caso temos queixos coma o parmesano e con eles funcionarán ben viños tintos e viños brancos suaves.


As opcións son, realmente, case infinitas. Soamente queda experimentar até a topar a nosa maridaxe favorita para gozar de queixo e viño nas súas máximas expresións. E ti, xa tes opción favorita?

Agardámoste en Queixo e aparte, cunha interesante selección de viños de pequenos produtores, viños das nosas Denominacións de Orixe e tamén da nosa IXP Ribeiras do Morrazo cos que maridar os nosos queixos.

Tamén che pode gustar